अन्तिम कारोबार दिन पनि बढेर रोकियो नेप्से, २७ अंकले बढ्दा तीन अर्ब २८ करोडको शेयर किनबेच

काठमाडौं । साताको अन्तिम कारोबार दिन आज शुक्रबार पनि नेप्से बढेर रोकिएको छ । अघिल्लो दिन छ दशमलव ९४ अंकले बढेको नेप्से आज पुन २७ दशमलव ४९ अंकले बढेर २७ सय ४५ दशमलव ६५ अंकमा चढेको छ । क बर्गका कम्पनीहरुको कारोबार मापन गर्नै सेन्सिटिभ इन्डेक्स पनि तीन दशमलव २४ अंकले बढेर चार सय ६७ दशमलव ३३ अंकमा पुगेको छ । नेप्सेमा आज तीन सय ३५ वटा कम्पनीहरुको ५३ हजार १४ पटकको कारोबारमा ७४ लाख ७८ हजार पाँच सय ६२ कित्ता शेयर खरिद बिक्री भएकोमा कुल कारोबार रकम तीन अर्ब २८ करोड ६८ लाख ७० हजार पाँच सय ५९ रुपैंयाँ पुगेको छ ।

नेप्सेमा आज १३ वटा समुहहरुको शेयर कारोबार भएकोमा व्यापार समुहको सुचक स्थिर देखिएको छ भने बाँकी सबै समुहहरुको सुचक बढेका छन् । जसमध्ये बाँणिज्य बैंक समुहको सुचक नौं दशमलव ६३ अंकले बढेर १४ सय ४४ दशमलव ९३ अंकमा पुगेकोमा बिकास बैंक समुहको सुचक पनि ५५ दशमलव २८ अंकले बढेर पाँच हजार आठ सय ६५ दशमलव १५ अंकमा पुगेको छ ।

फाईनान्स समुहको सुचक पनि ४३ दशमलव ८६ अंकले बढेर २३ सय ७८ दशमलव २९ अंकमा चढेकोमा जलबिद्युत समुहको सुचक पनि ६४ दशमलव ८५ अंकले बढेर तीन हजार आठ सय ५० दशमलव ८७ अंकमा पुगेको छ । जीवन बीमा समुहको सुचक पनि ७७ दशमलव ६० अंकले बढेर १२ हजार चार सय २८ दशमलव ४८ अंकमा पुगेकोमा निर्जीवन बीमा समुहको सुचक पनि एक सय ६१ दशमलव ७१ अंकले बढेर १० हजार सात सय ३८ दशमलव ५२ अंकमा पुगेको छ । यि बाहेक होटल तथा पर्यटन, लगानी, उत्पादनमुलक, लघुवित्त, सामुहिक लगानी कोष र अन्य समुहको सुचक पनि क्रमशः एक सय १६ दशमलव ३३, एक दशमलव १२, एक सय ५६ दशमलव ५१, आठ दशमलव १६, शुन्य दशमलव १२ र २२ दशमलव ५५ अंकले बढेका छन् ।

नेप्सेमा आज बढी कमाउने कम्पनीहरुको सुचीमा पहिलो स्थानमा त्रिशुली जलबिद्युत कम्पनी लिमिटेड परेको छ भने बढी गुमाउने कम्पनीहरुको सुचीमा पहिलो स्थानमा स्वालम्वन लघुवित्त वित्तीय सस्था परेको छ । यसैगरी बढी रकम कारोबार गर्नै कम्पनीहरुको सुचीमा पनि आज होटल फरेष्ट इन नेपाल नैं पहिलो स्थानमा परेको छ ।