बाढीपहिरोका कारण अवरुद्ध कान्ति लोकपथ सुचारु

काठमाडौं । बाढीपहिरोका कारण अवरुद्ध कान्ति लोकपथ सुचारु भएको छ । क्षति पुगेका स्थानमा वैकल्पिक व्यवस्था गरेर नेपाली सेनाले सडक सुचारु गराएको हो ।

कान्ति लोकपथमा हालैको बाढीपहिरोले ठूलो क्षति पुर्‍याएको थियो ।

असोज १० देखि १२ गतेसम्मको अविरल वर्षा र बाढीपहिरोले सडक तथा पुल बगाएपछि यातायात सञ्चालन हुन सकेको थिएन ।

मर्मत र सुधारपछि सोमबार बेलुका १०:३० बजेबाट सडक सुचारु भएको सेनाले जनाएको छ ।