सेयर बजार ओरालो, नेप्से २७ सय तल झर्‍यो- कारोबार भने बढ्यो

२३ भदौ, काठमाडौं — सोमबार सेयर बजारमा तीव्र गिरावट देखिएको छ। नेपाल स्टक एक्सचेन्ज (नेप्से) परिसूचक ३५.९९ अंकले घटेर २६७२ विन्दुमा झरेको हो। यससँगै नेप्से फेरि २७ सयको मनोवैज्ञानिक सीमा तल झरेको छ।

बजार खुल्नेबित्तिकै रातो देखिएको नेप्से दिनभर ओरालो लागिरह्यो। राजधानी काठमाडौंमा जेनजीको विरोध प्रदर्शन र त्यसमा भएको प्रहरी हस्तक्षेपका कारण बजारमा नकारात्मक प्रभाव परेको अनुमान गरिएको छ।

यद्यपि सेयर बजार घटे पनि कारोबार रकम भने बढेको छ। अघिल्लो दिन ४ अर्ब ४० करोड रुपैयाँ बराबरको कारोबार भएकोमा सोमबार ५ अर्ब २३ करोड रुपैयाँको सेयर किनबेच भयो।

यो दिन २२ कम्पनीका सेयर मूल्य बढे पनि २२९ वटा कम्पनीका सेयरमा गिरावट आयो।

सबै क्षेत्रको सूचक घट्यो

बजारमा सबै क्षेत्र (सेक्टर) का सूचकमा गिरावट देखियो।

बैंकिङ: -१.१२%

विकास बैंक: -१.३८%

फाइनान्स: -०.९२%

होटल तथा पर्यटन: -१.३३%

जलविद्युत (हाइड्रोपावर): -१.३८%

लगानी: -१.३७%

जीवन बीमा: -०.८८%

उत्पादन तथा प्रशोधन: -१.२३%

माइक्रोफाइनान्स: -१.१३%

निर्जीवन बीमा: -१.२६%

अन्य: -१.३८%

व्यापार: -३.३१%

बढ्ने र घट्ने कम्पनीहरू

हिमस्टार ऊर्जा कम्पनीको सेयर मूल्य सोमबार पनि १० प्रतिशतले बढ्यो। यो वृद्धिसँगै कम्पनीको मूल्य ४३०.५० रुपैयाँमा पुगेको छ।
त्यस्तै, युनियन हाइड्रोपावरको मूल्य ३.०८% र युनिभर्सल पावरको ३.०४% ले वृद्धि भएको छ।

अर्कोतर्फ, बाराही हाइड्रोपावरको सेयर मूल्य ५.२८% ले घटेर सबैभन्दा धेरै गिरावट भएको कम्पनी रह्यो।
नेपाल माइक्रो इन्स्योरेन्सको सेयर ४.४४%, ग्रिन डेभलपमेन्ट बैंकको ४.२७% र थ्रीस्टार हाइड्रोपावरको ४.०७% ले घटे।

धेरै कारोबार भएका कम्पनीहरू

आज सबैभन्दा बढी कारोबार भएका कम्पनीहरूमा नेपाल पुनर्बीमा, युनियन हाइड्रोपावर, युनिभर्सल पावर, हिमालयन रिइन्स्योरेन्स र युनाइटेड मोदी हाइड्रोपावर रहेका छन्।