‘बचत तथा लगानीको गतिलो आधार’ सृष्टि सहकारी, शनिबार २९ औं साधारणसभा

विराटनगर (केशव भट्टराई)। विराटनगर- २ स्थित सृष्टि बचत तथा ऋण सहकारी संस्था लिमिटेडले यही मंसिर ६ गते शनिबार २९ औं साधारणसभा गर्ने भएको छ । उक्त साधारणसभामा संस्थाको कार्यनीति कार्ययोजनासहित आर्थिक बर्ष २०८१\०८२को आम्दानी तथा खर्चको यर्थाथ विवरण र २०८२/०८३ को अनुमानित विवरण प्रस्तुुत गरिने छ ।

संस्थाका अध्यक्ष मोहनप्रसाद भट्टराईले २०८१\०८२ को वार्षिक तथा आर्थिक प्रतिवेदन प्रस्तुत गर्नु हुनेछ । देशमा भएका विभिन्न आरोहअवरोहका बाबजुद सृष्टि सहकारीले सन्तोषजनक उपलब्धि हासिल गरेको अध्यक्ष भट्टराईले यस सञ्चारमाध्यमलाई जानकारी दिनु भयो । यसैगरी साधारणासभाकाे अवसरमा लेखा समितिका संयोजक निवास पोखरेलले लेखा प्रतिवेदन प्रस्तुत गर्नुहुनेछ ।

कार्यक्रममा असल बचतकर्ता र असल ऋणिको रुपमा ४ जना शेयर सदस्यहरुलाई नगद तथा प्रशंसापत्रसहित पुरस्कृत गरिनेछ । संस्थाका सेयर सदस्यका सन्ततीहरुमध्ये १०+२ मा उच्च अंक हासिल गर्ने एक छात्र र एक छात्रालाई प्रशंसापत्रसहित नगद पुरस्कार दिइने छ ।

२०५३ साल पुष १६ गते स्थापना भएको यस सहकारीमा हाल १ हजार ४५ महिला सदस्य र ९ सय ९१ पुरुष गरि २ हजार ३६ जना शेयर सदस्यहरु रहेका संस्थाका लेखापाल प्रकाश सापकोटाले जानकारी दिनुभयो ।

हाल सृष्टि सहकारी संस्थाको सेयर पुँजी २ करोड ५० लाख ६ हजार १ सय रूपियाँ रहेको छ भने आर्थिक वर्ष २०८१\०८२ मा सम्पति तथा दायित्वतर्फ १६ करोड ८० लाख ९५ हजार ७ सय ५६ रुपियाँ २५ पैसा रहेको छ । सो अन्तर्गत निक्षेप ९ करोड ६० लाख ९१ हजार ३ सय ७६.७५ रूपियाँ छ भने सेयर सदस्यहरुलाई संस्थाले १० करोड ८ लाख ४५ हजार ५ सय ७६ रुपियाँ ऋण लगानी गरेको छ ।