नेप्से परिसुचक २६ सय १५ दशमलव तीन बिन्दुमा कायम, सातामा १९ अर्ब ३७ करोड रुपैयाँको कारोबार

काठमाडौं । यो साता नेप्से परिसुचक २६ सय १५ दशमलव तीन बिन्दुमा कायम भएको छ । यसैगरी क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि चार सय ५० दशमलव २२ बिन्दुुमा कायम भएको छ ।

सातामा तीन सय ३२ वटा कम्पनीहरुको सेयर कारोबार भएका छन् । जसअनुुसार दुई लाख ९४ हजार २४ पटकको कारोबारमा चार करोड ६७ लाख २३ हजार छ सय ६३ कित्ता शेयर खरिद–बिक्री हुुँदा कुल कारोबार रकम १९ अर्ब ३७ करोड ५१ लाख ३४ हजार छ सय ५४ रुपैयाँ पुगेको छ । यो कारोबार रकम गत साताको तुलनामा झण्डै एक अर्ब रुपैंयाँले कम हो ।

गत साता तीन सय ३१ वटा कम्पनीहरुको सेयर कारोबार भएका थिए । जसअनुुसार तीन लाख ९६ हजार सात सय ९२ पटकको कारोबारमा चार करोड ६० लाख २३ हजार छ सय ४८ कित्ता शेयर खरिद–बिक्री हुुँदा कुल कारोबार रकम २० अर्ब ९९ करोड ५७ लाख ४३ हजार नौं सय ९९ रुपैयाँ पुगेको थियो । यो साता नेप्सेको नियमित कारोबार कक्ष सातामा पाँच कार्य दिन नै खुलेको थियो । जसमध्ये पहिलो र पाँचौं दिन ओरालो लागेको नेप्से बाँकी तीन कार्यदिन उकालो लागेको थियो ।

दैनिक शेयर कारोबारको बिश्लेषण गर्दा साताको पहिलो कारोबार दिन आईतबार नेप्से परिसुचक १२ दशमलव ५० अंकले ओरालो लागेर दुई हजार पाँच सय ९४ दशमलव ८७ बिन्दुमा झरेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि शुन्य दशमलव ७९ अंकले ओरालो लागेर चार सय ४५ दशमलव ५० बिन्दुमा झरेको थियो ।

दोस्रो दिन भने नेप्से परिसुचक छ दशमलव ७४ अंकले उकालो लागेर दुई हजार छ सय एक दशमलव ६१ बिन्दुमा चढेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि दुई दशमलव एक अंकले उकालो लागेर चार सय ४७ दशमलव ५२ बिन्दुमा चढेको थियो ।

तेस्रो कारोबार दिन मंगलबार पनि नेप्से परिसुचक १८ दशमलव ३७ अंकले उकालो लागेर दुई हजार छ सय १९ दशमलव ९९ बिन्दुमा चढेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि तीन दशमलव १५ अंकले उकालो लागेर चार सय ५० दशमलव ६७ बिन्दुमा चढेको थियो ।

चौंथो दिन नेप्से परिसुचक पाँच दशमलव पाँच दशमलव ७० अंकले उकालो लागेर दुई हजार छ सय २५ दशमलव ७० बिन्दुमा चढेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि एक दशमलव १८ अंकले उकालो लागेर चार सय ५१ दशमलव ८६ बिन्दुमा चढेको थियो ।

पाँचौं दिन भने नेप्से परिसुचक १० दशमलव ६६ अंकले ओरालो लागेर दुई हजार छ सय १५ दशमलव तीन बिन्दुमा झरेकोमा क बर्गका कम्पनीहरुको कारोबार मापन गर्ने सेन्सिटिभ इन्डेक्स पनि एक दशमलव ६३ अंकले ओरालो लागेर लागेर चार सय ५० दशमलव २२ बिन्दुमा चढेको थियो ।

यो साता बढी रकम कारोवार गर्ने कम्पनीहरुको सुचीमा ङादी ग्रुप पावर लिमिटेड, एनआरएन इन्फ्रास्ट्रक्चर डेभलपमेन्ट लिमिटेड आदि अगाडि परेका छन् भने सेयर कारोवार भएको संख्याको आधारमा नेपाल पुर्नबीमा कम्पनी, ङादी ग्रुप पावर लिमिटेड, एनआरएन इन्फ्रास्ट्रक्चर डेभलपमेन्ट लिमिटेड अगाडि परेको छ । बजार पुँजीकरणको आधारमा भने यो साता पनि नेपाल टेलिकम, नबिल बैंक, नेपाल लाईफ इन्स्योरेन्स कम्पनी अगाडि परेकाछन् ।