नेपालबाट पश्चिम एसियाका १२ देशमा सबै प्रकारका श्रम स्वीकृति खुला

काठमाडौं। सरकारले पश्चिम एसियाका १२ देशमा सबै प्रकारका श्रम स्वीकृति खुला गरेको छ । श्रम, रोजगार तथा सामाजिक सुरक्षा मन्त्रीस्तरीय निर्णयानुसार श्रम स्वीकृति खुला गरिएको हो । अमेरिका–इजरायल र इरानबीच युद्ध सुरु भएलगत्तै नेपाल सरकारले साउदी अरेबिया, युनाइटेड अरब इमिरेट्स (युएई) कतार, कुवेत, बहराइन, ओमान, इराक, यमन, जोर्डन, लेबनन, टर्की र ईजरायल समेतका देशहरूमा श्रम स्वीकृति अस्थायी रूपमा स्थगन गरेको थियो।

पश्चिम एसियामा गत फागुन १६ गतेबाट युद्ध सुरु भएको थियो । फागुन १७ गते सरकारले पश्चिम एसियाका देशमा दिँदै आएको श्रम स्वीकृति अस्थायी रूपमा स्थगन गरेको थियो । इराकको हकमा गत पुस ११ गतेका मन्त्रिपरिषद्को निर्णयानुसार हुने जनाइएको थियो ।

“इराकको हकमा नेपाल सरकार, मन्त्रिपरिषद्को २०८२ पुस ११ गतेको निर्णयानुसार नै हुने गरी तथा माथि उल्लेखित अन्य देशहरूको हकमा सबै प्रकारका श्रम स्वीकृति (व्यक्तिगत, संस्थागत र वैधानिकीकरण) पूर्ववत अवस्थामा हुने गरी खुला गरिएको ब्यहोरा श्रम, रोजगार तथा सामाजिक सुरक्षा मन्त्रालय (मा।मन्त्रीस्तर) को मिति २०८३ वैशाख ०७ को निर्णयानुसार सम्बद्ध सबैलाई जानकारी गराइन्छ,” वैदेशिक रोजगार विभागले सोमबार जारी विज्ञप्तिमा भनिएको छ ।यो निर्णयसँगै साउदी अरेबिया, युनाइटेड अरब इमिरेट्स ९युएई० कतार, कुवेत, बहराइन, ओमान, इराक, यमन, जोर्डन, लेबनन, टर्की र ईजरायल गरी १२ देशको श्रम स्वीकृति खुला भएको छ ।