प्रियंकाको ‘मास्टर्नी’ हेर्ने दर्शकलाई स्कुटर जित्ने अवसर

प्रियंकाको ‘मास्टर्नी’ हेर्ने दर्शकलाई स्कुटर जित्ने अवसर
काठमाडौं । भदौ ५ गतेबाट प्रदर्शनमा आउने तयारीमा रहेको चलचित्र ‘मास्टर्नी’ ले दर्शकका लागि स्कुटर उपहार अफर ल्याएको छ । चलचित्रको भदौ ३ गतेदेखि ९ गतेसम्म खल्ती एपमार्फत टिकट काट्ने दर्शकमध्ये एक भाग्यशालीले इलेक्ट्रिक स्कुटर जित्ने अवसर पाउनेछन्।
टिकट किन्नुहोस्, फिल्म हेर्नुहोस् अनि स्कुटर जित्ने अवसर नछुटाउनुहोस्!’ भन्दै निर्माण टिमले यो योजना अघि सारेको हो। निर्माण टिमका अनुसार भदौ ३ देखि ९ गतेसम्म खल्ती एपबाट चलचित्रको टिकट खरिद गर्ने दर्शकमध्ये एक जनाले भाग्यशाली विजेताका रूपमा स्कुटर घर लैजान पाउनेछन्।
चलचित्रलाई केन्द्रीय जाँच पास समिति ‘सेन्सर बोर्ड’ले एडल्ट सर्टिफिकेट दिएको छ । अव यो चलचित्रलाई १६ वर्ष भन्दा माथिका दर्शकले मात्र हेर्न पाउनेछन्।
आयंका फिल्म्सको प्रस्तुतिमा तयार भएको चलचित्र क्राइम थ्रिलर तथा फ्यामिली ड्रामा जनरामा निर्माण गरिएको हो। चलचित्रमा प्रियंका कार्की जोशी, सिम्रन खड्का, दीपकराज गिरी, दीपाश्री निरौला, सन्दीप क्षेत्री, प्रमोद अग्रहरी, ऋचा शर्मा, आर्यन सिग्देल, दिनेश काफ्ले, रक्षा थापा लगायतका कलाकारको अभिनय रहेको छ।
सुवेन्दु घोषको निर्देशनमा तयार भएको चलचित्रलाई प्रियंका कार्की जोशी, आयुष्मान जोशी, क्याबिनेट श्रेष्ठ र प्रनित कार्कीले संयुक्त रूपमा निर्माण गरेका हुन्। सुरक्षा सिंह मल्होत्रा र सिमोस सुनुवार कार्यकारी निर्माता रहेका छन्। युवराज इन्दोरियाको छायाङ्कन तथा राजा सिंह सिदुको सम्पादन छ। नेपालमा चलचित्रको वितरण आरआर फिल्म्सले गर्नेछ।