एमाले केन्द्रीय सदस्यमा विमला विकको लोकप्रिय जित, ल्याइन् १९ सय ६२ मत

काठमाडौ । पूर्व राज्यमन्त्री विमला विकले नेकपा एमालेको हालै सम्पन्न ११ औ महाधिवेशनमा लोकप्रिय मतका साथ विजय हासिल गरेकी छन् । २२ सय ६३ मतदाता रहेको र खसेको २२ सय २७ मतमध्ये उनले १९ सय ६२ मत ल्याएकी हुन् ।

बर्दियाकी विकले खुला केन्द्रीय सदस्य जितेकी हुन् । २०७४ सालको प्रतिनिधिसभा निर्वाचनमा सांसद भएकी उनी उद्योग वाणिज्य तथा आपूर्ति राज्यमन्त्री भएकी थिइन् । मन्त्री हुँदा पनि राम्रो भूमिका खेलेकी उनको प्रस्तुति संसदमा पनि प्रभावकारी रहेको थियो ।

केन्द्रीय सदस्यमा निर्वाचित भएपछि उनले जिम्मेवारी बढेको बताएकी छन् । उनले आगामी दिनमा पनि हिजोको जस्तै पार्टीले दिएको जिम्मेवारी पूरा गर्ने र एमालेलाई एक नम्बरको पार्टी बनाउन सक्रिय रहने प्रतिबद्धता समेत जनाइन् ।