सुनको मूल्य हालसम्मकै उच्च, तोलाको दुई लाख ४८ हजार ५०० मा काराेबार

काठमाडौँ। स्थानीय बजारमा सुन र चाँदीको मूल्य हालसम्मकै उच्च कायम भएको छ । मंगलबार सुन प्रतितोला दुई लाख ४८ हजार ५०० रुपियाँ र चाँदी प्रतितोला तीन हजार ३२५ रुपियाँमा खरिदबिक्री हुने नेपाल सुनचाँदी व्यवसायी महासङ्घले जनाएको छ ।

हिजो सोमबार सुन प्रतितोला दुई लाख ४० हजार ४०० रुपियाँ र चाँदी प्रतितोला तीन हजार २२० रुपियाँमा किनबेच भएको थियो । अन्तर्राष्ट्रिय बजारमा सुन प्रतिऔंस चार हजार १२५ अमेरिकी डलर हाराहारीमा कारोबार भईरहेको छ ।